- Gegevens
- Geschreven door Super User
- Categorie: Verhalen
- Hits: 22269
Met een groep van neggen man in de rood, blauw, grieze shirts en boksen trappe wi’j in prachtig fietsweer een ronde deur d’n Achterhook, Twente en Pruusen. Weinig wind en een lekker temperatuurtjen. Neggen man! Endeleke mag ‘t weer umme met zo’n groep samen te fietsen! Foj, wat hebbe wi’j daor lange op e’wacht! ’t Argste lik achter uns te liggen en völle leden hebt al d’n eersten of zelfs d’n tweeden prik e’had. In de krante laes i’j dat sommige leu zich zorgen maakt umme bi’jwarkingen van ’t prikken, maor bi’j FTC Kotten en bi’j de fietsenverkopers kö’j heuren dat de veurnaamste bi’jwarkinge is, dat iedereene wil fietsen! Eene van de leden hef zich ne ni’je fietse oete’zocht, maor pas in februari volgend jaor kan e ‘m bi’j d’n fietsenmaker ophalen. Zovölle vraoge is d’r naor fietsen! Bi’j FTC Kotten is d’r flinken anwas van leden. Dat kump deurdat meer leu wilt fietsen, maor ook deur de sfeer in de club, want eene van de ni’je leden zei teggen mi’j: Ik bunne lid e’worden van FTC Kotten umdat jullie hier MET mekaare fietst en neet TEGGEN mekaare.
- Gegevens
- Geschreven door Super User
- Categorie: Verhalen
- Hits: 22699
Een dreigende loch hunk bovven Huppel. De veurspelling was dat ’t tut een uur of eene dreuge zol blieven, maor ik wazze nog maor net op d’n mountainbike e’stapt of ’t worden steeds donkerder gries. A’j flink deurtrapt dan he’j van règen en hagel d’n minsten last. De meeste leu zit binnen en ’t is stille umme mi’j hen. Ik heure mien eigen ojem, ik heure de kette den ovver de tandraa fluustert en ik heure ‘t geloed van de bände op zand, klinkers en soms op asfalt. Wieter is ‘t stille.
Eigenlijk had ’t heel anders motten wezzen: Wi’j hadden vandaage een mooien tocht met een groep van een man of tiene naor Pruusen motten maken, maor de realiteit is dat d’r korts weer een mailtjen van ’t bestuur kwam, da’j in verband met de Corona-regels maor ’t beste alleene of hoogstens met zien beiden könt gaon fietsen. An d’n jas en de bokse kö’j nog zeen da’w allemaole van FTC Kotten bunt, maor samen met de club op de fietse, dat zit d’r helaas neet in. En zo kump ’t, dat de ni’je lente d’r an zit te kommen, maor dat ’t ni’je geloed zich feitelijk beparkt tut ’t geloed da’j zelf maakt.
Lees meer: Een ni’je lente, maor weinig geloed bi’j FTC Kotten.
- Gegevens
- Geschreven door Super User
- Categorie: Verhalen
- Hits: 20230
Achterin Raotum geet een lang lint van FTC Kotten fietsers deur ’t landschap alsof ’t kraanvöggele bunt dee op weg gaot naor Afrika. In ‘t geval van de fietsers ligt ’t einddoel neet zo wiet weg: Umme half twaalf wordt de groep weer verwacht bi’j de Lindebeumer veur arftensoep met bokbier, ter gelegenheid van de opening van ’t mountainbikeseizoen. De B-groep zal dan ook weer terugge wezzen van hun rit richting Woold.
Nao ’t zommerseizoen op de reesfietse is ‘t allemaole nog wat onwennig sturen ovver de smalle paekes met gladde boomwortels.
Lees meer: Ook bi’j FTC Kotten geldt: ‘Geen rozen zonder doornen’
- Gegevens
- Geschreven door Super User
- Categorie: Verhalen
- Hits: 25150
‘t Jubileumjaor van FTC Kotten is zowat umme. D’r was een jaorveurbereid met elkenmaond een mooien activiteit. Alle leden hadden zich d’r op verheugd, maorvanaf maert ging alles van de beene (net als trouwens bi’jalle andere andere clubs). De mooie en opvallende shirts en jeskesvan de FTC kon i’j ’t hele jaorovver de wège zeen gaon, maor meestal alleene en soms in groepjes van twee of veere.Maor ’t plan umme dit jaor FTC Kotten ensgood op de kaarte te zetten veel in ’t water.
- Gegevens
- Geschreven door Super User
- Categorie: Verhalen
- Hits: 71938
Met de hande op ’t stuur toer ik deur ’t Woold richting de Haort. Maert löp op zien ende en hier en daor staot de sleedeurne prachtig te bleuien. ’t Eerste jonge blad löt zich fris greun an sommige beume en struuken zeen en op sommige plaatsen zit al ne tjiftjaf of een geeteling te fluiten. Normaal zol i’j teggen d’n fietser naost o’w zeggen dat ’t veurjaor d’r noo toch echt an zit te kommen. Of anders zol i’j met um ovverneerd hebben dat ’t toch wal heel mooi is dat de Graafschap volgend seizoen weer in de eredivisie zal spöllen.
En desnoods had i’j naor ziene preakeri’je e’luusterd ovver hoo hard en hoo wied hee de veurige waeke op ziene ni’je fietse e’reane had. Maor disse keare: Niks van dat al. I’j heurt alleene o’w eigen ketting den best wat ollie broeken kan en in o’w eentjen martel i’j teggen de wind in. Niemand umme achter te kroepen en niemand um met te praoten. I’j mot eerst o’wzelf een schup onder de konte gevven umme de fietse oet de schoppe te pakken, daornao mo’j alleene trappen en ook alleene opletten of i’j op tied links en rechts gaot en ook a’j een lekken band kriegt dan stao’j d’r alleene veur.
Pagina 1 van 4
- U bevindt zich hier:
-
Start
- Verhalen
