’t Wazzen prachtige zundagmorgensumme te fietsen ende augustus en zowat heel september. In de C-groep betekent dat völle volk en een mooien grotentrop, maor in de B-groep is ’t dunnekes met de opkomst. Vandaage ook weer: De Wooldsenköntnao ’t feest nog neet weer rechtoet fietsen, d’n enen Henk is net opa e’wordene en mot hen kraomschudden, d’nanderen Henk is jeureg en krig de kleinkindere op limonade en gebak en de Könningine van Kotten en d’nPrinsgemaol mot d’n plas ankaer’nen de windvaerenvarven veur ’t oethalen dat ovver een paar daage zal gebeuren. ’t Is daorumme dat een groepjen van maor vief man richting Gross Reken geet. Op zich geen probleem, want d’r zit een paar kaerlsbi’jdee zo starkbunt als olde botter, en dan könt de zwakkeren zich good achter de breede ruggen verstoppen.
Tussen hoge maismuren af-e’wisseld met grösland, stoppelland en bos geet ’t vlot naor“BäckereiMensing”, waor koffie en gebak besteld wordt. De pauze duurt wat langer, want eene van de renners bestelt zich nog een tweede köpken. Maornao een kwarteerken extra kan ’t weer op de Lindebeumeran. Een paar man zit al op de fietse als d’r inense’roopene wordt: ‘STOP, lekken band!’ D’n lekken band is natuurlijk van d’n renner den met zien tweede köpken koffie al vertraging hef veroorzaakt.
’t Commentaar van de anderen is neet mals. D’neigenaar van d’n lekken band hef ze al jaorenneet e’had en de ritse van zien zadeltesken wil al haoste neet los vanolderdom. Oet ‘t tesken komt een paar bandenlichters dee ’t steenentiedparknog net met e’maakt hebt en dan een binnenband van ‘veur d’n oorlog’.
De kaerlsdee d’r naorstaot te kiekene weet meteen wat d’r mot gebeuren: “I’j mot eerst een klein betkenlocht d’r in doon en later pas volle polle.” “I’j mot d’n boetenband good in ’t midden van de velge leggen, anders kö’j ’t leste stuksken neet met de vingereovverd’n rand van de velgedrukken.” An gebrek an ‘deskundig commentaar’ van de umstanders zal ’t neet liggen. Gelukkig hef eenedaorvan ’t heft in handee'nommene enhee is drok met ’t rad. D’n eigenaar van d’nlekken band steet steeds bedremmeldertoo te kiekene. Bi’j ’t oppompen met een gaspatroonemag hee in actie kommen:D’n nippel op ’t ventiel drukken en ’t kraantje lösdraeien. PSSSSSSSSSSS!!! klunk ‘t, en effen later is de gaspatrooneläög, maord’r zit geen wind in d’nband. “Dat doo’i neet good. I’j mot ’t hènnegerandoon.”, klunk ’t meteene van de deskundige umstanders. D’n renner veult zich met de minuute kleiner worden… “Laotmi’jmoar effen.” En dan geet een ander met ziengaspatrone en ‘t ‘pumpken’ te gange. PSSSSSSSSSSSS!! Klunk ’t weer. Dat lik bèter te gaon, tutdatovveralrondumme de velge witten damp onder d’nboetenband vandankump. Boetenband d’r weer af e’haald en wat blik: D’n ‘ni’jen’ band is zo meeps, dat ’t ventiel d’r meteeneoete’knapt is. Den kan dus ook directd’n bak veur ‘Restabfälle’ in. Weer hebt de deskundigen ’t commentaar meteene paraat: ‘Jan Sam zol zeggen ‘’t Kan iedereeneovverkommen, maord’nstomsten ’t eerste.’ En meteenedoarnao: ’‘Sinds a’j AOW hebt, he’j zeker geen geld meer ummegoodgreite koopen.’D’n renner in kwestie zol ’t leefstemeteene in ’t stroatputjenweg’espeuld worden, maor ’t is zunnig en dreuge, dus dat geet neet.Gelukkig pakt Jan meteene zien eigen reserveband en Rob draeit een gaspatroone op d’n nippel en tien minuten later kan d’r toch nog koers e’zet worden richting de Lindebeumer. “Jongens, nooanmaken, want ik mot op tiedthoeswezzen.”klunk ‘t.D’n ‘brokkenpiloot’ bungelt achteran ’t kleine groepjen. De ‘deskundigen’ veur umdoot ’t zwaorekopwark. Op humzelfaoabunt ze allemaole ‘deskundig’. En hee? Ach, hee kan eigenlijk niks anders dan een betken trappen en een paar kaere per jaor een stukskenschrievenovver FTC Kotten veur ‘de Ontmoeting’.
