- Details
“Verdomme wat geet ’t beroerd! Dit heb ik nog nooit e’had!” D’r steet ongeveer tachtig kilometer op d’n afstandsteller en d’n spitsen karktoren van Weseke kump in ‘t zicht. Nog een kilometer of tiene tut da’w weer bi’j de Lindebeumer bunt. ’t Slimste deel van de route, met ’t klimmen, is e’west, maor veur sommigen wèègt de laatste loodjes duudeluk ’t zwaorst.
Wi’j hebt d’r een prachtigen veurjaortocht haoste op zitten. ’t Greun an de struuken en de beume is mooi fris, vöggele fluit en de winterrogge in Pruusen kump al hoaste in de aore. Dit is fietsen zoals fietsen bedoeld is! ‘t is een prachtigen zundagmorgen in mei en van FTC Kotten is een groep van acht man ovver ne nie’je route naor Reken e’west.
- Details
“Laote wi’j d’n beer maor in winterslaop kussen.”, is d’n suggestie van Henk azze wi’jbi’j de Lindebeumer zundagmorgen staot te ovvernaeren waor of ’t vandaage hen zal gaon.D’n opgezetten groten beer bi’j Gaststätte Schmeltink in Reken wordt elken zommer wal een paar keare deur alle groepen van FTC Kotten op e’zocht. Nao de steile hellingen van d’n ‘Bollengraben’ kö’j doar altied good koffie met appelgebak kriegen en oetpuffen.
- Details
Wil je graag een speciale route fietsen deel deze dan met je fietsvrienden. Stuur een email naar
