‘t Jubileumjaor van FTC Kotten is zowat umme. D’r was een jaorveurbereid met elkenmaond een mooien activiteit. Alle leden hadden zich d’r op verheugd, maorvanaf maert ging alles van de beene (net als trouwens bi’jalle andere andere clubs). De mooie en opvallende shirts en jeskesvan de FTC kon i’j ’t hele jaorovver de wège zeen gaon, maor meestal alleene en soms in groepjes van twee of veere.Maor ’t plan umme dit jaor FTC Kotten ensgood op de kaarte te zetten veel in ’t water.
Tut dat.. op den lesten dag van november ’t logo FTC Kotten op alle televisiejournaalstegelieke was!
’t Geval wil dat sommige leden ’t fietsen bi’j FTC Kotten gebroekt umme zich veur te bereiden op ’t schaatsseizoen, en ’t schaatsen dan gebroekt umme zich veur te bereiden op ’t fietsseizoen. Zo hebt de jongs ’t hele jaor wat te doone.
Nemnoo Eric van de Plante, altied ’n betken op de achtergrond, maorbi’j de iesvereniging zit hee in ’t bestuur en pakt e alles op waor een ander geen zin in hef, maor wat wal gebeuren mot. Henk van de Veldbeumeris d’r ook zo eene den bi’j beide verenigingen actief is. Veur de mountainbikers is e drok met d’nanleg van de ni’je route deur ’t Rommelgebargte, maor op ’n ander moment steet hee in ’t gebouw van de iesvereniging te schilderen.
En dan he’j Bernie nog. Den is naost fietser ook al anderhalf jaor‘hoofdontwerper’ van de ni’jespreuikeurkes op de iesbaane. Bi’jMercedes en BMW hebt ze ook van deeleu. Ze ontwarpt iets wat nog neet besteet, ze warkt lange met een heel team umme ’t terechte te kriegen, maor as ’t moment van de waorheidd’r dan is, dan mot ’t dinge ’t wal doon! 29 november zol ’t gebeuren…..
’t Apparaat zol motten bewiezendat ’t warkt. Bi’j Bernie ko’j een ei in zien gat gaar kokken. Sinds zien trouwdag was e neet meer zo zenuwachtig e’wes. En onder zien toezicht worden langzaam, met 1 millimeter per uur, ne ieslaoge op e’bouwd. Al gauw ko’jBernie trots heurenzeggen: “HEE DŐT ‘T!!”
Maondagmorgend’ndartigsten november kon d’r op de ni’jeiesbanee’schaatst worden dankzij de grote inbreng van leden van FTC Kotten! De iesvereniging belden gauw wat schaatsersummete laoten zeen dat “ ’t Wonder van Winterswiek”, zoals de Telegraaf ‘t neumden, echt bestond! Henk van de Kok worden op e’trommeldoet de warkplaatseumme zo gauw meugelijknaor de bane te kommen.
Inmiddels was ’t zo wiet dat de cameraleu en fotografen ovvermekaare hen rolden langs de kante, maor op ’t ies was zowat gin mense te zeene. De leu hadden de schaatsen nog op zolder liggen!En zowat de enige schaatsers wazzen van leden van FTC Kotten. Zo was d’r den eenenolden, den in FTC Kotten pak alsmaorrondjes maakten met ne oranje mutse op zien kop. ‘t Was een soort van schaatsenden sinaasappel, den als een soort ‘wethouder Hekking’ op zowat alle foto’s in de kranten kwam.
En Henk van de Kok? Tsja, den leep zenuwachtig hen en weer langs de bane. Zachtjes fluusterdenhee: “Ik dachte dat ik de schaatsen achterin d’n auto e’legdhadde, maor ’t wazzenalleenede schoone. De iezers ligt nog thoes.”Jan Sam zol zeggen: “’t kan iedereeneovverkommen, maord’nstomsten’t eerste!” Henk belden gauw naor hoes en nao een kwarteerken, dat heel, heel lange duurden, kwam Christien ‘m de iezers brengen. ’t Was net op tiedumme Henk de eerste valparti’je op de ni’jebane te laotenmaken.Maor ’s aovondsin ’t journaal, op RTL en in Hart van Nederland kwam duudelijk in beeld: “Ten Haken Bouwbedrijf” en daornaost op de rooie achtergrond: “FTC KOTTEN”!!
