Ik heb d’r als ins eerder ovver e schrevvene, dat de gemiddelde leaftied van unze leden ieder jaor hoger wordt, deurdat wi’j (gelukkig) allemaole older wordt en umdat de jonge anwas nog steeds op zich löt wacht’n.
PHPD* is de meest veurkommende zeekte onder de fietskeerls en -vrouwen. Maor fietsen op wat oldere leaftied breg ok ziene veurdeel’n met zich met. Zo wordt de (B)groep fietsers dee al op vri’jdag d’r op oet trekt met de weake groter en dan neet alleene de pensionado’s met zeeën van tied, nea ok de oldereleu dee nog neet bi’j Drees in de weide loop en nog steeds as loonslaaf an de bak mot bunt steeds vaker van de parti’j. Sommigen hebt d’n vri’jdag al bie’j an ut weekend etrokkene onder het mom van “ouwe lullen dagen” en ander’n nemt in-ens ne snipperdag op at ut zo oet kump.
Zo ok laatst op een mooie vri’jdagmorgen. Er stond een groepje in de startblokken veur een pittig ritje naor Lavesum (achter Haltern-DE) en onderweg werd zowat elke bultje en bargje met e pikt, zodat d’r ruum 500 hoogtemeters mosten worden verstauwd. Al met al meer dan 100 KM.
Ut zat uns al snel teggen met d’n eersten lekken band op de Waterberg. Dat kan gebeur’n.
Vlak veur Lavesum (50 km van hoes) op een venijnig klimmetje brak het derailleurpad van één van unze deelnemmers. Dan hölt ut op. Ne lekken band of een los zittend onderdeel kónne wi’j nog wal verhelpen maor dit ?
Wi’j hebt onmundig völle kennis in de groep, want as d’r wat loos is steet iedereene d’r bi’j te klazieneern en wee ut hardst schreeuwt hef de beste oplossing (zo lik ut althans). Maor dit keere bleven de schreeuwers stille, want ja: ho losse wi’j dit no op. Goede raod was duur. Eerst maor ins koffie met een flink stuk Duuts Appelgebak um de harsens te laoten kraken. Tijdens dizze vergadering met versnapering kwamen wi’j tot de konklusie dat d’r maor één ding op zat en dat was……naor hoes hen bell’n met het verzoek umme op e haalt te word’n. En zo is het e goane: De partner van d’n ongelukkigen hef um op e haalt en oetendelukke was hee nog eerder thoes dan de rest bi’j de Lindebeumer was. End good al Good.
Waor ie nog meer an könt zeen dat wi’j older wordt dat bunt de oetneudigingen veur feestjes. Zo waren unze gewaardeerde leden Marjon en Joop ten Dolle40 jaor ! e trouwd en Appie en Johanna Meijnen zelfs 50 jaor !! e trouwd. Beide echtparen: nogmaals van harte gefeliciteerd.
Ok hebbe wi’j onlangs een leuke familiedag e had. ’s Middags met allerlei spelletjes, ansloetend een BBQ en s’oavends een heel leuke, maor moeilijke pub-quiz.
Tot de volgende keare.
